Verkfræði- og ráðgjafarfyrirtækið NAVIS ehf var stofnað 21. mars árið 2003. Stofnendurnir höfðu áratuga reynslu úr mismunandi fyrirtækjum sem tengdust sjávarútvegi, skipahönnun og margvíslegum öðrum verkefnum í þessum geira. Í ársbyrjun 2004 sameinuðu NAVIS og verkfræðistofan Fengur krafta sína og úr varð Navis-Fengur, sem fljótlega breyttist aftur í NAVIS, er þeir síðarnefndu tóku alfarið yfir reksturinn. Starfsemi NAVIS hvílir þannig á traustum grunni sem lagður hefur verið á löngum tíma af sérfræðingum í hönnun og skipaverkfræði. Fyrirtækið sinnir fyrst og fremst þjónustu sem tengist skipum, skipasmíðastöðvum, útgerðum, fiskvinnslufyrirtækjum og skyldum rekstri. Starfsmenn NAVIS búa yfir mikilli reynslu og yfirgripsmikilli þekkingu í faginu sem þeir hafa öðlast við nám og störf bæði hérlendis og víða erlendis.

NAVIS hefur annast nýhönnun á ólíkum gerðum skipa, flestum gerðum fiskiskipa svo sem togurum, nóta- og flotvörpuskipum, frysti- og fullvinnsluskipum og línu- og handfærabátum, en einnig dráttarbátum, mælingabátum, kaupskipum, ferjum og farþegaskipum. NAVIS hefur séð um fjölda breytinga á eldri skipum auk breytinga og nýhönnunar á vinnslulínum. Þá er ótalinn fjöldi annarra verkefna á sérsviðum NAVIS í skipatækni og útgerð.Á seinni árum hafa tjónaskoðanir og matsgerðir af ýmsu tagi, fyrir innlend og alþjóðleg tryggingafélög og skipafélög, verið veitamikill þáttur í starfsemi NAVIS. Margvísleg önnur þjónusta og starfsemi fer fram á vegum NAVIS og í raun má segja að starfsmenn telji sér fátt óviðkomandi á sviði skipa, sjávarútvegs og flutningastarfsemi

Á seinni árum hafa tjónaskoðanir og matsgerðir af ýmsu tagi, fyrir innlend og alþjóðleg tryggingafélög og skipafélög, verið veitamikill þáttur í starfsemi NAVIS. Margvísleg önnur þjónusta og starfsemi fer fram á vegum NAVIS og í raun má segja að starfsmenn telji sér fátt óviðkomandi á sviði skipa, sjávarútvegs og flutningastarfsemi.

Helstu þættir í sérfræðiþjónustu NAVIS eru:

• Skipahönnun, bæði breytingar og nýsmíði. Gerð verklýsinga og útboðsgagna, kostnaðaráætlanir og mat á tilboðum. Eftirlit og umsjón með verkum, hvort sem það eru nýsmíði, breytingar eða viðgerðir.
• Skoðun og ráðgjöf um val á vélbúnaði skipa, hönnun vinnslulína um borð, útvegun tilboða og mat á þeim.
• Hallaprófanir, stöðugleikaútreikningar, þykktarmælingar og tonna-mælingar.
• Tjónaskoðanir og mat á tjónum á skipum, vélum og farmi. Verklýsingar til endurbóta og viðgerða.
• Úttektir af ýmsu tagi, t.d. “Draft eða Bunker Survey”; ástandsskoðanir við kaup, sölu eða leigu skips.   
• Ráðgjöf um ISM- og ISPS-kóða og alhliða ráðgjöf um skiparekstur og skipa- og vélaverkfræði.

Hjá NAVIS starfa níu fjölhæfir fagmenn sem mynda sterka heild á sviði sjávarútvegs og skipasmíða.

NAVIS hefur verið þáttakandi og meðlimur í sjávarklasasamstarfinu „Íslenski Sjávarklasinn“ (Icelandic Ocean Cluster) frá því á árinu 2013 og hefur nú aðsetur í Húsi Sjávarklasans að Grandagarði 16, 101 Reykjavík.